Biz Təbiət Dostlarıyıq

Azərbaycanda 2008-ci ildə "Yaşıl Velosipedçilər Klubu" kimi tanınan Təbiət Dostları artıq Gənclər Təşkilatı kimi fəaliyyətini davam edir. Təşkilat Qafqazda xüsusi ilə də Azərbaycanda ətraf mühitin mühafizəsini təşviqi, sağlam həyat tərzinin təbliği, açıq-havada təlim və tədrisin inkişafı məqsədi ilə yerli və beynəlxalq layihələr icra edir.
“Təbiət Dostları - Azərbaycan”, “Beynəlxalq Gənclər Təbiət Dostları” (International Young Nature Friends) təşkilatının tamhüquqlu üzvü olaraq, hər il müxtəlif beynəlxalq proqramların iştirakçısı və təşkilatçısı kimi fəaliyyət göstərir. 120 ildən çoxdur ki, Beynəlxalq Təbiət Dostları qrupları dünyanın müxtəlif şəhərlərində mütəmadi olaraq maarifləndirici layihələr və turistik gəzintilər həyata keçirir. Azərbaycanda Təbiət Dostları Evlərinin başlanması biraz zaman alsada dünyanın əksər bölgəsində minlərlə Təbiət Dostları Evləri fəaliyyət göstərir.